由2017年就開始講到依家，由Amazon Studio製作、Amazon Prime串流播放、第一季成本高達4.64億美金嘅《魔戒》劇集終於黎啦！Amazon最新公佈劇集將於明年9月2日播放，並公佈第一張劇照。

On September 2, 2022, a new journey begins. pic.twitter.com/9tnR7WqDoA

— The Lord of the Rings on Prime (@LOTRonPrime) August 2, 2021

據《Variety》報導，呢套連正式名都未有嘅《魔戒》劇集啱啱於昨日完成拍攝，預計會於明年9月2日開始播放，每個星期播一集，暫時未知第一季會有幾多集，但就肯定會有第二季。而公佈嘅「劇照」就可以見到某個身披白色披風嘅人/精靈，遙望某座白色嘅城市，而畫面右邊就可以見到兩棵發光大樹，應該係傳說中的「雙聖樹」。

《魔戒》電影第一集頭五鐘，就是講述第二紀元的故事

據早前公佈嘅消息指，《魔戒》劇集會講述《魔戒》電影前幾千年、中土世界第二紀元嘅故事。《魔戒》第二紀元始於維拉 (《魔戒》世界中嘅神) 與精靈大軍推翻魔苟斯 (索倫前主人)，終結於精靈及人類擊敗索倫，魔戒失落於世 (即《魔戒》電影頭幾分鐘講嘅背景故事)，當中包括努曼諾爾帝國 (即亞拉岡的祖先) 崛起與衰亡、索倫打造魔戒、九戒靈的出現、維拉們居住的阿門洲脫離中土世界，中土世界成為球狀星球等多項大事件。