一早醒來，大家係唔係忽然有種失落，想繼續去追查今日獎牌榜形勢，查考下是日焦點比賽項目。才憶起昨晚2020/21年東京奧運會已經完美落幕。雖然疫情帶來更多不完美，但好多人相信今年係最令人投入比賽的其中一屆奧運會，你有無覺得自己患上後東京奧運失落症。今年東京奧運最讓你激動大叫的場面有那幾個？仲記得嗎？回憶起來，多半同我們香港隊以及中國國家隊健兒有關，不管你是撐中國國家隊還是中國對家隊。好彩奧運激情因為疫情延遲一年，下屆法國巴黎奧運變相好像早一年，三年之後大家可以睇到更激情更多人更有可能親受現場體驗的奧運會，不過這三年也許係香港人更迷惘更無法預知前路的三年，捱過未來三年後巴黎見！

東京奧運昨晚閉幕，閉幕儀式依然無現場觀眾，整晚以主辦城市交接最為精采，儀式由東京都知事小池百合子身穿日本傳統和服，將奧運會大旗交予2024年奧運主辦城市巴黎市長Anne Hidalgo，然後馬上轉去法國巴黎現場，氣氛熾熱非常熱鬧同東京有著截然不同感覺。法國總統Emmanuel Macron對住鏡頭叫出奧運新格言「團結一心：更快、更高、更強」，陪隨住法國戰機飛行表演飛越巴黎艾菲爾鐵塔。大批巴黎市民同已回國的法國運動員，興高彩烈與東京隔洲呼應。香港隊本屆賽事獲得1金2銀3銅，揭開本地體壇最光輝一頁。每一個獎香港人都同歡同呼，相信好多香港人細細個就已聽過「香港運動員唔係蠟鴨」！

下一個最快迎接的盛大體育賽事係2022年5月北京冬季奧林匹克運動會，運動項目主要分為滑冰、滑雪、雪橇、雪車、冰壺、冰球同冬季兩項(越野滑雪與射擊)七大類別，北京係籌備以及基建項目等等都已經如箭在弦準備就緒。如今唯一嘅懸念係到底有幾多個國家嘅運動員會參加疫情下的中國北京冬季奧運會！問題太複雜，我地都係繼續回望東京奧運，深深難捨再一次告別！再見了，給我兩星期快樂的東京奧運會！