如果閣下係搖滾迷，應該對Britpop天團Oasis絕對唔會陌生，隊中兄弟檔Noel Gallagher同Liam Gallagher憑住驚人嘅音樂才華創出一首又一首嘅經典金曲，深深影響住後世樂壇。近日最新紀錄片《Oasis Knebworth 1996》曝光首條預告，帶一眾樂迷重溫1996年Knebworth演唱會盛況，將於9月23日上映。

Oasis於1995年憑住第2張專輯《(What's the Story) Morning Glory?》取得驚人成績，令樂隊榮升成紅遍全球嘅人氣天團，亦因為咁而展開咗長達一年幾嘅歐美巡迴演唱會，當中1996年喺Knebworth舉行嘅戶外演唱會更被譽為史上最大型演唱會之一，兩日總共吸引超過25萬人入場支持，門票一開賣就被搶購一空，成為Oasis標誌性演出之一。

‘Oasis Knebworth 1996’ is the definitive live album of the iconic gigs featuring a setlist packed with classics.
Formats: 2CD, triple LP on heavyweight vinyl, and DVD / Blu-ray of the feature-length documentary + both live concerts.https://t.co/FQT6o2qyoa#OasisKnebworth1996 pic.twitter.com/zr8Lq3gMFH

— Oasis (@oasis) August 10, 2021

據了解，今部紀錄片除咗帶大家重溫當年盛況之外，仲收錄咗Oasis成員、工作人員同歌迷嘅訪問片段，將於9月23日上映，香港都有得睇㗎！

Today in 1996, Oasis played their first night at Knebworth pic.twitter.com/9BFCq60rae

— Manchester Lemon (@manchestrlemon) August 10, 2021