隨住信用卡技術不斷改良，依家大部份人用信用卡多數透過payWave、Apple Pay等感應式支付畀錢，好少會拎張卡出嚟“碌”（正確嚟講應該叫“刷”）。有見及此，最近主流信用卡公司Mastercard宣布，將於2024年逐步淘汰磁帶設計，預計2033年旗下所有信用卡都唔會附有磁帶，暫時未知其他信用卡公司會否仿效同樣做法。

（圖片截自：Mastercard）

根據Mastercard新聞稿表示，隨住更安全嘅晶片出現，加上感應式支付方法興起，甚至有廠商研發出生物認證晶片信用卡，磁帶需求已經冇以往咁大，所以打算從2024年起逐漸淘汰磁帶。將會率先喺廣泛使用晶片信用卡嘅歐洲執行，期後於2027年推廣到美國地區，預計2033年旗下所有信用卡同預付卡（Debit card）都唔會再有磁帶。

（圖片截自：Mastercard）

值得一提嘅係，目前大家所講嘅“碌”卡，實際上喺源於使用舊信用卡機嘅動作，當時用信卡信畀錢嗰陣，需要放張卡上部機“碌”落張過底紙度做記錄，後嚟就算改用磁帶技術，大家都依然稱之為“碌”卡。唔知第時磁帶都冇埋嗰陣，大家會唔會改口做“嘟”信用卡呢？