早前日本 BANDAI SPIRITS 公司推出全新組裝模型系列「ULTIMAGEAR」，其中第一彈係《遊戲王》主角武藤遊戲嘅千年積木。而近日佢地推出全新第二彈產品「黄金櫃」。

「黄金櫃」喺《遊戲王》故事入面，係用黎放置千年積木嘅神器之一，上面印有千年之眼、埃及象形文字紋路等。而如果你擁有同系列嘅千年積木，你可以拆散佢將佢放入櫃內，絕對係完美還原劇情。

BANDAI呢個『ULTIMAGEAR』系列，每款商品都會設定一項「能藉由製作組裝模型體感再現嘅究極特色」，運用長年培育嘅商品設計、模具製作、生產技術，令佢地有能力完美再現劇中物品嘅構造及質感。

商品預計喺2022年2月發售。