要數Marvel世界入面最強嘅武器，可能你會聯想到雷神之錘、暴風戰斧，又或者美國隊長嘅「汎金屬」盾等，不過黎緊新戲「尚氣與十環幫傳奇」上映之後，武器排名可能要改了。

最新嘅「尚氣與十環幫傳奇」，戲中主角將會用上武器「十環」，而據楊紫瓊喺預告片入面提到「十環可能比你宇宙中所有東西都更強」，之後出現包括雷神之錘、Iron Man、Hulk，亦即係暗示「十環」都比以上出現嘅人或物都更強。

究竟「十環」又係咩武器呢? 據Marvel原著設定，「十環」係尚氣老豆文武(梁朝偉)偶然喺一艘墜毀嘅外星飛船殘骸入面發現擁有魔力嘅物品，然後佢喺呢舨飛船入面學習左大量嘅超時代科學及魔法知識，因此知道點樣使用「十環」，隨後再利用「十環」打造出自己嘅軍隊，亦即係「十環幫」。

「十環」係咪真係而家尚氣呢個宇宙最強嘅武器呢? 咁就要大家入場睇睇啦。