19：20最新消息：豬仔已離開咗呢個世界，以下為最新影片連結。（可能會引起不適，慎入！）
https://youtu.be/LS-vsYRmlqU

不過有網友留言指出片尾右下角有一句「This story is fiction」，不過真相係咩就留畀大家思考。

早喺幾個月前，日本有位YouTuber開咗一個名為《100日後に食われるブタ（100 天後吃的豬）》嘅頻道，顧名思義就係每日記錄低豬仔嘅日常生活，直到第100日就將佢劏嚟食，至今共吸引近10萬人訂閱。隨住時間推演，目前已經去到第99日，今日即將揭曉最終結果，唔知會唔會真係劏嚟食呢？

喺今年5月嗰陣，日本有位YouTuber為一隻75日大嘅豬仔開設YouTube頻道，並將豬仔命名為「五花肉」，暗示佢將會喺100日後嘅下場。主人更曾經喺2萬及5萬訂閱嗰陣，手抱「五花肉」分別同一碟真五花肉以及吉列豬扒合照，唔知當時豬仔會唔會有，或者會有咩感受呢？

為豬仔慶祝半歲生日。

喺豬仔面前燒豬肉。

主人每日都會拍片記錄「五花肉」嘅生常生活，包括同佢玩遊戲、到沙灘散步、餵食等等。自頻道出現以嚟，一直有網友爭論做法係咪「正確」，不過大部份人都持正面態度，認為咁做係一種「食物教育」，令更多人了解食物來源以及生命可貴。如無意外，主人將會喺今晚播出第100日影片，到時就知道豬仔嘅下場係咪真係會變成「五花肉」，唔知大家又有咩睇法呢？