由香港新導演鄭峰嵐編劇兼執導，改編自真人真事網絡小說嘅獵奇式輕喜劇電影《＃PTGF出租女友》，正式宣布於中秋檔期9月22日上映，搵嚟時下多位女星飾演劇內10位「ptgf」，以幽默方式探討時下年青男女感情關係。

從官方最新宣傳片可以見到，除咗用街訪形式訪問市民對「ptgf」嘅睇法之外，同時亦向觀眾介紹劇中10位「ptgf」性格，其中包括其中包括鄧月平、秦楚瀅（娜美）、程美段、張沛樂（沙律）、郭奕芯（Ashina）、馬俊怡（Rose Ma）以及從招募選出嘅新演員葉俙賢（Amber）、素凱琳（Erena）、曾嘉晴（Angel）和陳莉寶。短短1分50秒嘅宣傳片就已經見到多位女星各種性感造型，相信全片應該會睇到眼都唔眨！

故事講述一名富家子弟（恆仔飾）屢遇情傷，偶然成為ptgf界之王，並因為再次遇上一個ptgf（鄧月平飾）令佢沉船，可惜未能開花結果，最終落得失戀下場。傷心之下一夜間將3,000幾張ptgf放上網公諸於世，引起全城哄動，導致「#ptgf」呢個hashtag至今仍被IG封殺。