又係日式創意時間，話說日本收費電視台SKY PerfecTV!為左宣傳谷客特別推出一個有趣的「特長50個台電視遙控器」，將旗下50個免費頻道全部逐個制單獨排係遙控器，霸氣十足一條遙控長足50CM，揸住係手當劍用都仲得！男人老狗有時開電視真係唔知睇咩台好，逐個逐個台撳下，開住罐啤酒瞓著咗都係男人之日常，如果個遙控有埋 「蘋果提子機老虎機」玩法抽下台就更加「完美」啦！

呢一支特長50個台遙控器唔係話想買就買到，係日本一個收費電視台SKY PerfecTV!抽獎禮物，只送出50枝！話說佢地個台9 月 30 日之前谷客宣傳，搞兩個月免費基本頻道計劃，佢地客戶可以有11種類節目當中有50個台免費收睇！而呢50個台就列於50個制的遙控當中讓抽中遙控的幸運兒可以逐個逐個台選擇！日本人如果想要呢款遙控器就要係9月15日23:59前係Twitter關注SKY PerfecTV官方賬號（@sptv_fan），再跟佢地玩法參加抽獎。

有趣係呢個遙控好可能係正常人見過最大的遙控器，當你打開箱見到有50CM長，遙控下部約三分之一的佈局同普通遙控器相似，帶有方向鍵同音量增大/減小鍵。亮點係 3 x 17 行和 51 個直接頻道按鈕，足足佔據左上方的三分之二。從左上角開始，可以通過基本計劃欣賞的頻道一字排開。作為一個特大發光遙控，按鈕非常明亮！停電都可以當燈用，仲可以選擇燈光，走馬燈由底閃到頂又得，特具有“照明”開關按鈕，可以選擇“全彩虹”、“全白”、“人浪彩虹”、“人浪藍燈”和“左右人浪”幾種不同燈光切換。如果你揸住喺手一路發光一路擺動，感覺絕對係漆黑中揮舞光劍。如果香港有得買我一定會買一支返屋企！