作為一名足球員，你擅長射門、把握能力高，你就會被安排成為前鋒，如果你攔截強嘅話就會被安排成為防守球員，咁如果你樣樣都好平均，咁點呢? 呢種球員就會被稱為「通天老倌」，亦即係樣樣都OK，但亦都相對可以話無非常特出的一點。

最新一集FIFA22入面，就誕生左一位，亦都係全Game唯一一位數值全部超過80的球員，雖然佢嘅數值唔係最高，但佢就係所謂嘅「通天老倌」，佢就係拜仁中場26歲嘅哥列斯卡(Leon Goretzka)。

哥列斯卡喺FIFA22入面，總能力值排名全Game第33位，但卻係FIFA歷史上第一位全部6項數值都超過80嘅球員，佢嘅速度為81、盤帶84、射門82、防守81、傳球82、體能86，總能力值87，比FIFA21總數值增加3分之多。