Omakase「廚師發辦」相信市面上唔難食到，但要食到一個以海膽為主題嘅Omakase就唔係度度都有，而好味嘅就更加係可遇不可求。

而帝逸酒店頂樓日式餐廳源峰，近日兩位日籍主廚就特別喺日本為大家帶來最時令嘅海膽，並推出海膽作主題嘅Omakase，令你雖然未能飛去日本，但都能有到日本嘅第一身感覺。

呢個Omakase套餐除前菜、椀物和甜品以外，主要涵蓋刺身四款、特選海膽壽司四件、燒物及揚物。清新開胃鮮腐皮溫泉蛋伴海膽，其質感嫩滑無比，溫泉蛋完美配搭甘香鮮甜嘅海膽，讓你揭開舌頭美味簍旅程嘅序幕。

乘接以吞拿魚、油甘魚、海膽刺身及縞鰺薄切四款油脂甘香嘅鮮味剌身喚醒你嘅味蕾。伊勢龍蝦海膽燒，於龍蝦肉上塗上秘製醬油烤至表面焦香，肉質呈帶光澤感的金黃色，蝦肉爽口彈牙，剛好中和豐腴甘味的海膽。再來係特選海膽壽司包括鹽水海膽、北海道馬糞海膽、紫海膽及昆布漬海膽，各款海膽滑嫩甜美，入口即溶，賣相及味道極盡奢華。

另外香脆可口嘅秋野菜天婦羅及及牛素麵亦都係廚師推介，二人套餐更包括微醺醉人氣泡雞尾酒兩杯。

以上套餐：

兩位用港幣$3,380

四位用港幣$6,980

而四位用御飯則以香味撲鼻的牛肉海膽釜飯取替，滿溢碗邊的新鮮海膽與牛香濃郁的牛肉完美結合，同時套餐亦送上源峰自家品牌清酒，包你捧住個肚走。