呢單新聞最讓人震撼係醫院部份大樓員工同病人已經飲左28年廁所水。聽落雖然駭人不過原來日本廁所水乃用當地地下淡水並非如香港咸水，該地區使用抽地下水沖廁一般只會作簡易過濾無經過飲用水的多重消毒，同飲用水唔同唔可以直接飲用！不過可能已經比某些國家的飲用水管更乾淨！當然錯就係錯離譜無得話啲水其實都幾乾淨就當無 事！對於呢個犯錯高層應當土下座（下跪叩頭）道歉，我望一望屋企個飲用水過濾機，無鉛無毒無重金屬，見字飲水即可！

據日本媒體報道，大阪大學醫學部附屬醫院係進行新診療大樓工程時，工程承辦商發現門診、中央診療大樓的部分區域，多年來竟誤將用於廁所的地下水管，接駁至食水水管，亦即是話醫院內的部分員工及病人，原來一直用廁所水飲用、洗手及漱口等。

院方上星期三公開事件，並指出已暫停受影響區域的食水供應。院方又表示，自2014年4月起，每星期都會進行水質檢查，對食水顏色、味道及氣味等項目作測試，從未發現有害物質，亦無任何健康問題的報告。大阪大學理事兼副校長中谷和彥，在記者會上鞠躬道歉，並表示：「提供先進醫療服務的大學醫院，竟然為民眾帶來如此不安的事，真的非常抱歉。」大阪大學醫學部附屬醫院28年前建成，相信係興建期間已出錯，問題持續長達28年先曝光。

不過日本同香港使用鹹水（海水）沖廁唔同，當地用淡水作為廁所水，但因為該院沖廁水屬地下水，一般只會作簡易過濾，不會經過多重消毒，因此不能直接飲用。地下水一般只作廁所水及冷氣機使用的冷卻水。目前大阪大學正在分析地下水水質，相關結果有待進一步公布。，目前未發現有害物質會造成損害健康等問題。唔知大家會認為日本大阪抽地下淡水的廁所水比較全球其他國家的飲用水喉水管，水質可唔可以排到世界前50名？