一見Astell & Kern品牌就聯想起隨身聽音樂播放器或耳機，不過最近呢間韓國音響大廠推出一部主打中高檔市場Acro BE100一體化輕便藍芽無線喇叭。外型同感覺都一貫Astell & Kern，整個喇叭設計深具致敬意味，正是一個放大版Astell & Kern一體播放喇叭，其鋁製滾花圖案旋鈕、加上棱角分明金屬造型，重量達3.2公斤應該係最重的Astell & Kern產品之一，大家未必會帶住佢週圍走，不過作為一部優質數碼播放器大廠一體化出來聲音肯定好聲滿足！

Acro BE100係一個結實有線條的高保真立體聲隨身一體式喇叭，外型其實對比其他同類產品係小巧輕便。配備專用的 32 Bit DAC並支援藍芽 5.0，加上支援最新的24-bit hi-res無線串流媒體編解碼器，包括aptX HD（ 48kHz) 和LDAC (96kHz)，可以接收幾乎所有數碼認源格式。外型則有點像Astell & Kern Kann Alpha式設計，黑色金屬底棱角分明的美感。主體採用人造皮革製成，內裡配搭一個定制4寸Kevlar 中低音單元同兩個1.5寸絲膜球頂高音單元。再經過 A&K 專門開發D類放大提供澎湃動力，總功率為 55W。如果仲嫌唔夠低音仲可以外接低音輸出！

喇叭右上方個鋁掣聲音旋鈕係公司靈魂式標志，當然用於精確微調音量。雖然作為一台隨身一體化喇叭重3.2公斤唔算好重，但就真係放唔到落口袋。當音樂播放時音量控制下方的區域會有燈亮起作為指示器，針對每種模式或音量級別閃爍不同的顏色。此外，有動態範圍控制 (DRC) 用於在達到最大輸出功率時保護喇叭單元。唔怕燒爆喇叭。而特別在專出訊源的Astell & Kern今次係呢部一體喇叭同藍牙芯片組居然配備50ps 時鐘模組，以確保最大限度地減少數碼 jitter時機誤差，簡單講即聲音還原精準度盡最大努力！想玩設置的用家可利用板載五級高音和低音設置調整聲音，而 3.5 毫米 AUX 輸入可以讓Astell & Kern旗下數碼音頻播放器及類似設備作物理連接。此外Acro BE100 有另一個具 FM 收音機功能版本，可以選定唔同國家/地區使用，但暫時未能確定是否適用於本港FM收音廣播。

Astell & Kern Acro BE100 售價係 449 英鎊/380 美元即5000港幣樓下，將於 12 月推出市場，如果你想在家買部一體化藍芽喇叭，Astell & Kern 迷必定優先要考慮呢部Acro BE100！