高端專業運動品牌Descente及著名超跑品牌林寶堅尼究竟有咩共同點? 係速度！兩者都喺各自領域上追求更高嘅速度。為求達到更高速，兩者將自己有嘅技術累積、升級，並利用科技不斷創新，而今次兩者更合作推出《Desencte X 林寶堅尼》聯乘系列，為大家帶來超跑潮流風。

兩家品牌今次合作可以話係一次大膽嘅嘗試，而合作理念源於林寶堅尼嘅超凡速度，同時亦因為Descente擁有精準工藝，當兩者結合就成功誕生超跑運動體驗，絕對係前所未見的。

而呢次聯乘系列，就為大家帶來2合1外套、運動衛衣、運動褲及女款緊身運動背心及 Leggings 等跑步必備單品。另外，仲有Descente首款全新碳板跑鞋「HYPER SPEED PRO X AUTOMOBILI LAMBORGHINI」，以林寶堅尼標誌性黑金配色，彰顯超級跑車強勁嘅驅動力。

梭織跑步外套則採用3層拒水面料，與DESCENTE獨家科技面料Schematech結合，提升防風、拒水、透氣嘅同時，實現最大程度嘅活動自如；而經典款二合一外套，外層羽絨背心採用F360空氣循環系統，通過立體切割與剪裁，輕鬆應對跑手對於不同跑步姿勢的需求。

你睇「牛下女車神」李慧詩同張小倫兩位頂級運動員著得幾自然就知咩料啦！