日本Youtube頻道《The First Take》最出名嘅，就係搵黎日本歌手，以極高音質一Take現場演唱首本名曲。近來佢哋就邀請到中島美嘉上節目，演唱《雪の華》及《曾經我也想過一了百了 (僕が死のうと思ったのは)》兩首歌。各位Fans準備好紙巾抹耳油未？

《雪の華》收錄於中島美嘉2003年10月推出嘅第十張單曲，係其代表作之一，亦係其至今銷量第三高嘅白金唱片；《雪の華》曾經奪得過第45屆日本唱片大獎金獎與作詞獎，無論獎項上及商業上都獲得巨大成功，成為全球知名嘅冬日情歌。另外《雪の華》亦曾多次被各國歌手改編，例如經典韓劇《對不起，我愛你》嘅主題曲就係由朴孝信演唱嘅韓文版，香港亦有泳兒演唱嘅《花無雪》。

而《曾經我也想過一了百了》則是中島美嘉第38張單曲，於2013年8月發行。作為一首中板抒情歌，《曾》嘅前半段如歌名一樣，描寫生活中的種種大小灰暗之事，尾段則以「希望與所愛的人一同生活」而帶出希望曙光。