經典動畫《鬼太郎》自推出以黎原來已經經過左62年，而當日嘅作者水木茂亦迎來誕辰100周年，因此電影公司決定推出全新《鬼太郎》電影「鬼太郎誕生之謎」！

其實全新嘅《鬼太郎》電影自今年三月已經公佈，而日前正式公佈電影嘅首波視覺圖，Fans終於可以對電影有更多了解！

電影「鬼太郎誕生之謎」故事內容將旋圍主角鬼太郎嘅出生之謎，大家將可以在電影當中獲悉真相，一眾老Fans應該相信一定超級期待！

而電影導演今次由2008 年《鬼太郎劇場版：日本爆裂》導演古賀豪負責，而劇本則由《機動戰士Gundam SEED》系列劇本家吉野弘幸編寫，人物設定則由《福音戰士新劇場版：終》副導演谷田部透湖負責，可以話一眾電影負責人都粒粒皆星，更加令人萬二分期待！