自從疫情開始以來，經濟差咗、遊客又減少，於是唔少大家熟悉嘅日本店鋪都因經營困難而關店，但有時都有好事發生。近日，著名動漫商品店Animate嘅池袋本店就宣佈，要於2023年擴充成「全球最大動漫店」！

Animate池袋本店，本身就已經係一棟樓高9層嘅動漫迷聖地，而據官網近日宣佈，為迎接2023到來嘅開店40週年，將會進行超大型擴充，目標於2023年春天重開並成為全球最大動漫商品店。

Animate官網就冇講到擴充後嘅店面究竟有幾大，不過據媒體報導、以及Animate公佈嘅預視圖可見，佢哋會食埋本店左邊、原本係健康中心嘅整塊地皮。Animate於去年就已經「佔據」該地段原有嘅5層高建築做「臨時商店」。最近直頭成棟嘢拆咗重建。預計會建成另一棟九層高建築物。

☆重大発表☆
「#アニメイト池袋本店」が2023年春、リニューアルし、大きくなってグランドオープンいたします！
世界最大規模のアニメショップが誕生！ “ときめきとエンターテインメント”であふれる場所に生まれ変わる「アニメイト池袋本店」にご期待ください！https://t.co/KLh89L7rWn#池アニ pic.twitter.com/eWrCRVq5xg

— 株式会社アニメイト (@animateinfo) December 3, 2021

值得一提嘅係，對比起「陽剛氣」極重嘅秋葉原，池袋Animate一帶被通稱為「乙女路」，乃係面向女性為主「腐女聖地」。未知Animate於2023年重新開店後，該區格局會否改變。

資料來源：Animate