日文中嘅「アナウンサー (Announcer)」，中文直譯係「主播」，實際上就即係我哋講嘅節目主持。由於日本有非常多「棚內聊天」節目，所以主播本身得唔得人心，就非常影響節目嘅受歡迎程度。而據Oricon搵黎1000名年齡介乎10代至50代嘅男女會員投票而成嘅「我最喜愛女主播」選舉，弘中綾香就係目前最得人心嘅日本女主播。

弘中綾香現年30歲，曾就讀於日本名校慶應義塾大學法學部政治學科，後來加入朝日電視台，並於加入首年就成為該台標誌性節目《Music Station》嘅主持之一，加上佢個樣與AKB前成員島崎遙香有幾分似，故被電視台力捧。非常可愛而且極有親切感嘅外貌，萌點爆棚嘅笑容卻配上毒舌，令弘中綾香得到各個年齡層嘅男女喜愛。今年推出《弘中綾香の純度100％》圖文集一出就成暢銷書，

另外，與弘中綾香一同主持《あざとくて何が悪いの? (中譯：心機女)》嘅田中美奈實，亦於票選中獲得第8名。

ここのディーン様ご登場した時の弘中ちゃんオタクすぎるし最終的に今日が命日とか言うとこもオタクすぎて弘中ちゃんまじすき。#あざとくて何が悪いの pic.twitter.com/2WGswprR1O

— sakinko (@a2_kis) April 10, 2021

不過人紅就是非多，弘中綾香九月時被爆出於家中與四名男子開Party，適逢當時日本疫情轉差、朝日電視台又有員工因參加酒局而確診，電視台高層下令嚴禁員工參加任何聚會，結果弘中綾香被電視台警告。另外早前弘中綾香大學時嘅「攬仔照」亦曝光，又有「大學同學」爆料指佢溝仔無數。

資料來源：Oricon