以製作《Silent Hill（鬼魅山房）》及《SIREN（死魂曲）》系列聞名嘅遊戲製作人「外山圭一郎」，自上年離開Sony（SIE）後就自立門戶成立工作室Bokeh Game Studio，著手製作全新恐怖遊戲。期待多時，工作室就喺今日TGA 2021頒獎典禮上，正式發布以80年代九龍城寨為背景嘅恐怖新作《野狗子: Slitterhead》，同時公開第一條宣傳片！

雖然官方尚未公布遊戲具體內容，但我哋可以從宣傳片見到故事背景設定於80/90年代九龍城寨，當時仲係用緊啟德機場，飛機升降會掠過城寨上空。講述城內突然出現一種嗰頭識裂開，能夠任意變型嘅神秘怪物，就連香港警察都冇佢乎慘被一刀兩斷，估計玩家將會扮演一位能夠用鮮血製作武器嘅角色，同怪物展開一場生死搏鬥。

順帶一提，遊戲名稱入面嘅「野狗子」係出自《聊齋誌異》，描述一係種獸首人身，會食死屍腦袋嘅妖怪。暫時未知具體發售日期及登陸平台。