2021環球小姐選美總決賽（Miss Universe）日前喺以色列海濱城市Eilat舉行，最終由印度佳麗Harnaaz Sandhu贏得后冠。但日本代表渡邊珠理就因為參賽服飾過於前衛，引起日本網民熱烈討論，甚至話佢侮辱咗日本文化。

綜合外媒報導，比賽當日渡邊珠理喺「民俗服飾」環節，身穿一件融合和服及原宿文化嘅粉紅色服裝，頭上綁起兩粒粉紅色「波波」，手捧兩隻金色招財貓，並喺心口大大隻寫上「日本」兩個字。唔少日本網友睇完之後都喺Twitter批評造型相當怪異、毫無美感，其中有網友更指出和服嘅正確著法應該係左邊衣襟搭住右邊衣襟，反觀渡邊珠理嘅著法係「右搭左」，通常壽衣先會咁著，認為佢侮辱緊日本文化，所以非常扯火。

事實上，呢套咁前衛嘅服飾係為紀念日本同以色列建交70周年，專程邀請以色列設計師Aviad Arik Herman設計。而早喺12月初，以色列駐日大使館就喺Twitter Post過套衫出嚟，並解釋設計概念，反映佢哋其實唔覺得套衫係有啲咩問題。或者今次嘅爭議，純粹係雙方文化差異所造成，唔知大家又有咩睇法呢？

日本イスラエル国交樹立70周年を記念し、イスラエル人デザイナーのアビアド・ヘルマン氏がデザイン。

歓迎とお祝いの気持ちを込め、原宿ファッションと着物を融合させたというピンクベースの衣装には、きらびやかなスパンコールがちりばめられ、袖部分には日本国旗があしらわれています。
????OR DANON pic.twitter.com/IYuWSvoFJv

— イスラエル大使館 Israel in Japan (@IsraelinJapan) December 2, 2021