上一部以元祖高達RX-78-2及阿寶等人做主角嘅劇場版，已經要數到1982年嘅 《機動戰士高達III：相逢宇宙中》。事隔四十年，Sunrise近日就宣佈會推出新一套《高達》劇場版，並以原作動畫因為崩壞而「名留青史」嘅「德安之島」為藍本。

映画『機動戦士ガンダム ククルス・ドアンの島』は、
2022年初夏公開！

＼超特報映像解禁／

《ガンダム、再び大地に立つ————》

劇場版『機動戦士ガンダムⅢ めぐりあい宇宙』から40年、RX-78-02 ガンダムとアムロの物語がスクリーンに舞い戻る！#ククルス・ドアンの島 pic.twitter.com/Lfnyw9Cen1

— 機動戦士ガンダム ククルス・ドアンの島 (@g_cucuruzdoan) December 20, 2021

新劇場版名為《庫克羅斯‧德安之島》，與原作動畫第15集同名，故事講述自護渣古駕駛員德安，因為愛好和平而選擇成為逃兵，並避居於某個島上照顧戰亂孤兒。一日阿寶於訓練時見到求救訊號而發現該島，並協助德安對抗自護軍。就咁睇個故事其實好簡單，但原作動畫呢集其實非常出名，不過唔係因為好睇，而係因為當年嘅作畫崩壞到一個難以形容嘅程度，當中唔少畫面都成為高達迷熟知嘅Meme圖。

在 Instagram 查看這則貼文

DLBK（@daulaubockhoi）分享的貼文

卻說當年動畫製作到呢個部份時，作畫監督安彥良和先生因太勞累而入院休息，但製作組依然硬住頭皮繼續開工，結果造就幾集作畫崩壞之作，而《德安之島》就係其中一集。由於實在崩壞得太過份，於是多年黎都一直被人拎黎笑，來自越南嘅模型師「Daulaubockhoi」更加照住啲崩壞作畫整咗幾個雕塑添。

但2001年安彥良和先生推出漫畫《Gundam The Origin》後大受歡迎，於是再搵黎大野純二畫咗30話短編補完德安嘅故事，相信由安彥良和先生執導嘅新劇場版，亦會按呢個版本改編。

資料來源：G-Doan.net