NBA傳奇球星Shaquille O'Neal退役後一直熱心於公益活動，特別係照顧貧窮兒童，損贈大量學習用品、玩具、衣服、餐飲等等。喺上個聖誕節，O'Neal就向佐治亞州麥克多諾市一間小學送出1,000部PS5、1,000部Switch以及多部單車，帶畀小朋友們一個難忘聖誕。

圖片來源：The Shaquille O'Neal Foundation

據外媒《GameRant》報導，日前O'Neal喺Podcast節目提到「我爸爸係一名教育班長（即新兵訓練員），而媽媽係一個勤力工作嘅女人，佢哋教識我回饋嘅價值、教識我要幫助有需要嘅人。」之後就透露佢早前打電話畀喺任天堂工作嘅朋友，訂咗1,000部Switch及1,000部PS5（我都唔知點解訂到？），再連埋喺Walmart買嘅單車，一齊送到佐治亞州一間小學。據佢所講，小朋友們都非常興奮、喜極而泣。

雖然唔知收到禮物嘅貧窮學童會唔會有機但冇錢買遊戲玩，以及嗰1,000部PS5究竟點樣搵返嚟，但相信呢班小朋友都會有一個難忘嘅聖誕回憶，亦都係O'Neal想達到嘅效果。