政府喺今日宣布收緊防疫措施，由星期五凌晨起食肆晚上6點至早上5點禁堂食，多個大型活動需要取消。為配合政府防疫政策，英皇娛樂亦隨即宣布剩低嘅8場張敬軒演唱會，以及原定1月7日開始嘅黃子華x潘燦良舞台劇《最後禮物》都同樣需要延期，後續安排會盡快公布！

主辦方英皇娛樂表示，原訂1月7日至22日共14場嘅舞台劇《最後禮物》將會延期，而1月23日至2月25日共26場嘅場次就有待政府後續公告再安排。另一方面，1月6日及打後所舉行嘅8場張敬軒演唱會都需要延期，相關後續安排會喺兩星期內公布。

View this post on Instagram

A post shared by Hins Cheung 張敬軒 (@hinscheung)

張敬軒亦喺IG表示了多謝各位朋友、歌迷以及製作團隊嘅支持，但面對目前疫情，大家嘅健康同安全先係NO.1，希望疫情盡快散去，同時相信好快可以同大家再見面。

希望各位等咗好耐、辛苦搶飛嘅朋友最後可以欣賞到表演，延期都總好過取消嘅！