前乃木坂46主將、前年正式畢業嘅白石麻衣，於個人官網上發表新聞稿，指自己確診新型肺炎，並會在家療養。

白石麻衣嘅官網於今日 (27日) 發出新聞稿，簡單交待佢於1月24日因工作而接受PCR檢查，同日發現結果呈陽性，確診新型肺炎。新聞稿亦向白石麻衣身邊嘅工作人員，以及其他同事致歉。

不過新聞稿中亦有講明，雖然確診，但白石麻衣到目前為止都冇任何病徵，只係依照有關當局嘅指導而留家療養咁解，所以一眾Fans唔需要擔心佢嘅安危。大家可以繼續睇下佢啲靚相先。

單睇數字黎講，日本嘅疫情似乎都仲係幾嚴重，26日總確診人數為14,086人，而前日本國腳大久保嘉人、NMB48成員渋谷凪咲、加藤夕夏以及和田海佑等亦於近日先後確診，不過病徵方面都係發下燒咁，似乎同感冒差唔多。

資料來源：maishiraishi-official