強制檢測可能係疫情下最麻煩的事！美國加洲大學就發表最新論文話可以通過智能電話鏡頭拍攝去檢測病毒，而且準確度可媲美核酸檢測！呢種神奇黑科技據說係利用電話連接實驗室，安裝一個名為Bacticount Apps然後將唾液樣本同測試病毒溶液放係實驗室熱板，再將手機放係熱板裝置頂部透明玻璃，再利用相機鏡頭對準測試溶液，溶液就會令 COVID-19 及流感病毒顯示為紅色，Bacticount程式會計算手機拍攝影像的病毒含量。睇完都唔明吧！專家話可以就係可以啦！總之唔駛排隊吹風做檢測我就話「好」！

加州大學聖巴巴拉分校科學家團隊早前係 JAMA Network Open 期刊發表論文，表示只需要係手機安裝 Bacticount 程式，然後將唾液樣本同測試病毒溶液放係實驗室熱板，再將手機放上熱板裝置頂部透明玻璃，將相機鏡頭對準測試溶液，溶液就會令 COVID-19同流感病毒統統顯示為紅色，再睇返Bacticount程式就會計算手機拍攝影像的病毒含量。以成本睇實驗室熱板工具價格只需 100 美元樓下，而開發團隊所採用手機只係舊型號2018年Samsung Galaxy S9，所以預計大多數智能電話都支援做到！科學家團隊表示每次測試成本只需約7美元，對於個人或欠缺化驗所之偏遠地區將會非常有用。不過現階段開發依然處於早期階段，團隊只能夠係南加州進行大約50個臨床測試，故仲需要更大規模實驗先可以將相關構想落實推出。大家等下以後好可能就可以用手機檢測流感同新冠肺炎。當下如果你收到強制檢測通知，你都係去排隊先啦！