【憑實力租借】戰爭制裁下俄羅斯Aeroflot航空疑沒收500架租借民航飛機唔會還作報復

世界全面制裁俄羅斯似乎對俄國經濟造成重大打擊。不過制裁係「七傷拳」，盧布嚴重貶值除左令當地企業舉步維艱外，西方世界都有重大損失，俄國所有外債已宣布轉用盧布支付甚至唔還，而俄羅斯航空公司Aeroflot服役中的861架客貨機入面就有超過500架飛機係外國公司租賃得來，俄方好大機會全部沒收唔還機，單唔還民航機就押起價值超過100億美金，出租公司戰爭打唔贏下恐怕永遠無機會取回飛機！國際航空業真係蝕到攤攤腰。

俄羅斯航空公司如今只能飛國內航線，係戰爭下其中一個最直接受影響行業，未來更加可能連國內線都要被迫削減。目前俄羅斯服役861架客貨機中，波音生產的飛機有332架，空中巴士公司生產304架。其餘幾十架來自加拿大龐巴迪及其他西方製造商，而只有136架飛機由俄羅斯蘇愷航空集團（蘇愷上年同米格合併，建立左一家名為 UAC 的聯合飛機製造企業）所製造。呢700架外國製造飛機唔會再有西方公司支援維修同保養，波音、空中巴士同其他製造飛機和飛機零部件的西方公司，例如生產發動機製造商通用電氣和普惠等公司已暫停提供備件，不再提供維修和技術支持服務，所以可能很快就會迫使俄羅斯航空公司難以保持其民航飛機飛行。而對西方航空業而言無法供應俄羅斯市場都唔算最「傷」！一個大問題係俄羅斯航空公司的大部分飛機都係由西方公司租返來，飛機擁有者擔心佢地永遠無法拿回所屬飛機。

歐盟已通知所有飛機出租公司係 3 月 28 日之前終止與俄羅斯航空公司的現有合同，迫使出租公司將飛機全部撤出俄羅斯。通常根據合同航空公司將在租約到期後購買或退回完好無損的產品，具體取決於其價值。然而，俄羅斯政府強烈反對經濟制裁。自 3 月 8 日起已經決定關閉除俄羅斯盟友包括白俄羅斯以外的所有國家之國際航班，並保留俄國所有客機。明顯相關措施旨在防止有俄國飛機係第三國被扣押。3月10日，俄羅斯政府宣布正在考慮制定一項法案，禁止俄國企業租賃合同結束後退貨，並以俄羅斯盧布支付租賃費。今次俄羅斯的報復除左大大傷害西方航空業，對未來即使戰爭結束後俄羅斯國家的信譽都係永不超生式嚴重傷害。

戰爭已經開打，飛機就應該都唔會再歸還，七傷拳下睇下邊個最先倒下，俄羅斯作為超級大國，像中國領導人王岐山所說誰怕誰理論中國人吃草可以活一年你美國人可以嗎？而俄羅斯貴為戰鬥民族始祖吃草飲雪應該可以活二年！！