細細個學校教大家要路不拾遺，喺街見到有人跌咗銀包要即刻拎去報案；長大後，社會教大家「地上執到寶，問天問地攞唔到」。不過，好人有時真係會有報，就好似有日本網民近日就分享20年前路不拾遺後，竟然得到兩張初代《Pokemon》動畫嘅原畫！

家族がかなり昔修学旅行で財布を拾い交番へ届けたら、後日落とし主からお礼にポケモンのセル画をプレゼントされたらしくうちに2枚ある。背景までアナログなのやっぱすごい。誰だったんだろな…落とし主… pic.twitter.com/nob01KM5Vp

— 茶菓子 (@tyag53) March 13, 2022

ﾏｽﾏﾛで重なっているか質問がありましたが、こんな感じでカスミ達のはそれぞれ一枚ずつで3枚、ロケット団はムサシの口パクで2枚ついてました????‍♂️ただくっ付いて凄いことになってますが。。 pic.twitter.com/5OSpoQfF3o

— 茶菓子 (@tyag53) March 13, 2022

本身都係一個畫師嘅「茶菓子 (@tyag53)」日前於Twitter分享一個小故事，佢話20年前佢去修學旅行時執到個銀包，屋企人後來拎咗去派出所報案，而派出所方面似乎就係搵返失主，而失主就向路不拾遺嘅「茶菓子」送上兩張初代《Pokemon》動畫嘅原畫作謝禮，而「茶菓子」就一直保留嗰兩張原畫至今。

動畫嘅原畫通常都係一組疊起嘅透明膠片，背景、人物等都係畫於不同膠片之上，疊起先組成大家見到嘅畫面。而「茶菓子」亦有揭開原畫膠片展示結構。

ﾏｽﾏﾛで重なっているか質問がありましたが、こんな感じでカスミ達のはそれぞれ一枚ずつで3枚、ロケット団はムサシの口パクで2枚ついてました????‍♂️ただくっ付いて凄いことになってますが。。 pic.twitter.com/5OSpoQfF3o

— 茶菓子 (@tyag53) March 13, 2022

「茶菓子」出文後，好快就有網民搵到原畫應該係出自初代《Pokemon》第211集嘅「波波與大波波，飛向未曾見過的天空！」，而且應該係實際用過嘅原畫。再睇返播出時間，大概就係2001年嘅暑假，亦即係當年「茶菓子」可能係收到新鮮滾熱辣畫起用完嘅原畫作謝禮。亦令網民非常好奇當年銀包失主嘅身份。

帖文一出就有近14萬網民讚好。就連當年負責背景原畫、後來擔任《Pokemon》劇場版美術監督、CG監督嘅高尾克己都黎留言，話呢張原畫嘅背景的確係佢當年親手檢查過嘅真品，希望推主可以好好保存咁話。