只要你對《英雄聯盟》電競有些少興趣，你就一定聽過由「傳奇選手」Faker (李相赫) ，以及其戰隊T1 (前名SKT T1)嘅大名。而日前Faker與T1就完成「賽季全勝奪冠」嘅歷史創舉，不過Faker等四位選手隨即就確診Covid-19。

[2022 #LCK Spring Playoffs Finals vs. GEN]

V10.????????????????????????????????????????#T1WIN #T1Fighting pic.twitter.com/H4GxJQcHii

— T1 LoL (@T1LoL) April 3, 2022

Faker與戰隊T1 (當時名為SKT T1) 曾經三奪世界賽冠軍，此前亦曾九奪韓國本土聯賽嘅賽季冠軍。雖然近年成績未如理想，但今年Faker與Zeus、Oner、Gumayusi及Keria等新一代主力攜手創下賽季常規賽全勝 (18-0) 紀錄，於季後淘汰賽亦穩步前進，最後以局數3:1擊敗GEN G奪得春季賽冠軍，創下前無古人的全勝奪冠紀錄，Faker與戰隊亦收獲第十座賽季冠軍。T1將代表韓國賽區參加5月10日於韓國釜山舉行的季中邀請賽。而韓國方面相信亦會以T1為重心選出國家隊參加今年6月至7月舉行嘅亞運地區預選賽。

Wishing the boys a swift recovery. For those asking, we had negative tests prior to finals on Saturday. We would never knowingly put others at risk. https://t.co/pQTd2KiB7q

— Joe (@JoeMar) April 3, 2022

不過，T1戰隊於週日就公佈，隊中選手Faker、Zeus、Oner、Keria以及教練Moment都確診Covid-19，將會接受隔離至4月9日。T1戰隊CEO Joe Marsh就表示，於週六總冠賽舉行前，戰隊所有人都做過檢測，當時結果都係陰性，不存在已知確診都隱瞞上陣嘅情況。奪冠完之後先確診，都唔知應該話係樂極生悲，定應該慶幸T1選手冇因病缺陣而影響比賽觀看性。