{ SKIP }
文:MenClub 摯樂  圖:互聯網
POSTED ON 19 Apr 2022
【瘋癲電影】楊紫瓊玩夠她媽的多重宇宙《奇異女俠玩救宇宙》癲過奇異博士

五月戲院重開後最令人期待電影肯定係楊紫瓊多重宇宙大作,今次堅過奇異博士以楊紫瓊華人家庭《奇異女俠玩救宇宙》,劇情瘋狂痴線一如台灣譯名為《媽的多重宇宙》,全套明顯「玩救」成個宇宙。似曾相識的多元宇宙由曾經Marvel團隊製作,認真玩野《復仇者聯盟》系列導演羅素兄弟擔任監製,《救你命3000》Daniels載譽合體執導成班癲的大玩特玩。講電影得獎機會肯定仲大過《奇異博士》,楊紫瓊拍出從影以來最破格之作電影中造型千變萬化,大媽無啦啦要去拯救世界穿梭混亂多重宇宙中犧牲形象,演出漏尿、挖鼻屎、大玩SM、把玩陽具等可謂演藝生涯超去盡一次,戲中大量致敬同好多彩蛋驚喜連連,絕對係「平行宇宙」更有趣新詮釋!


楊紫瓊主演《奇異女俠玩救宇宙》《Everything Everywhere all at Once》已確定5月19日係香港上演。同期肯定係其中一部極有競爭力大作。正如片名電影可玩性極高,充滿對Marvel電影、《星球大戰》、《2001:太空漫遊》、《22世紀殺人網絡》、《五星級大鼠》、《臥虎藏龍》、《花樣年華》等中西經典電影的場景致敬同彩蛋!絕對係可期待瘋狂喜劇,作品以多重宇宙為主題實際則係家庭劇情片電影講述55歲的美國華裔移民秀蓮(楊紫瓊飾)家庭事業都處於崩潰邊緣,在老爸爸(吳漢章飾)生日大壽當日,除左要阻止女兒(史蒂芬妮許)暴走出櫃、照顧無用丈夫(關繼威),仲要去稅務局向古板大嬸(Jamie Lee Curtis)解釋複雜難搞稅務問題。然而更混亂情況出現老公竟然搖身一變Matrix上身話自己來自另一個宇宙,邪惡勢力將毀滅地球,只有係這位「媽」的宇宙裡、一無是處的秀蓮有機會拯救世界。


我知上面講的劇情大家好難理解,但睇埋背後個拍攝團隊同預告,加埋好評連連爛蕃茄高開出97%新鮮度實在好難唔期待!



人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025