隨住Netflix人氣劇集《Stranger Things 4》將於5月27日播出，日前官方就率先公開第一集首8分鐘片段！帶大家回到1979年，主角「Eleven」所在嘅實驗室...

從預告可見時間回到1979年9月8日，剛起身嘅Martin Brenner博士（Matthew Modine 飾）梳洗完、玩完字謎遊戲，就返到充滿超能力小朋友嘅霍金斯國家實驗室（Hawkins National Laboratory）工作，並為小朋友「Ten」展開超能力測試。其間實驗室突然響起警報，對講機傳嚟斷斷續續嘅聲音“Sir, we've got a situation…”，然後博士就被突然爆開嘅實驗室房門擊暈。當博士醒返嗰陣，「Ten」已經死亡，整個實驗室亦遍布屍體，只有眼同耳都流緊血嘅「Eleven」生還，並用招牌憤怒表情望住博士。究竟係「Eleven」殺晒所有人，定抑或係怪物襲擊實驗室(牆上有裂縫)，只有Eleven能夠自保呢？

另外，Netflix亦透露《Stranger Things》第四季共9集總時長為13小時，其中第7及第8集時長約1.5小時，而第9集大結局更長達2.5小時，仲長過唔少電影，相信內容會非常豐富！