電話亭曾經係一代人集體回憶，無論超人迷定魔神英雄傳致電召喚戰神丸，電話亭係每個人心入面都有唔同用法，不過係今時今日電話亭的功能已經完滿結束，香港依然仲有電話亭，遠方美國紐約市今日就正式拆除最後一個收費公共電話亭告別超人換衫的時代，好彩紐約市曼哈頓區會保留四個超人換衫的電話亭場景(無電話功能！)，大家最後一次行入電話亭又係幾時？記得行入電話亭做咩？

對上一次睇到電話亭相關新聞係上海一個女人入左電話亭後就封城，然後係小小電話亭被隔離五日！以上故事荒誕而可怕，不過值得反思今時今日電話亭仲有何實際用途？隨著手提電話5G普及，電話亭除左唔再用來打電話，連最後功能發放WIFI訊號都因為全民電話數據普通，行動中wifi都駛用！所以美國紐約市今日正式向舊時代告別。紐約市第7大道和第50街交叉街角，曼哈頓區長Mark Levine係記者面前下令，將最後一座裝有兩座貝爾系統（Bell System）電話機公用電話亭拆除，並抬上卡車載走。自2000年因為手提電話的普及，公共電話開始式微，去到2010年代智能電話已完美解決個人通訊應用，公共電話全面成為犧牲品。

There it goes! The last free-standing pay phones were removed this morning in Times Square. Truly the end of an era but also, hopefully, the start of a new one with more equity in technology access! @LinkNYC is one great way we are achieving this. pic.twitter.com/03lFCT6iI2

— Mark D. Levine (@MBPMarkLevine) May 23, 2022

值得留戀同保留除左回憶，仲有四座電影超人（Superman）曾經使用過變身的電話亭，作為超人主角的著名場景受到保留！香港呢邊其實仲有公共電話亭，如果大家忽然想緬懷電話亭，其實仲可以試試搵搵，係街頭上進入電話亭放個銀行打個電話給家人報個平安，放心香港地忽然封城受困電話亭的情節理論上唔會發生，安心出行！