隨住Switch遊戲《Nintendo Switch Sports》將於7月下旬推出免費更新，任天堂再次搵嚟新垣結衣拍廣告，同小弟弟一齊打機玩到勁入神！

短短兩幾分鐘嘅廣告入面，結衣扮演一位從城市回鄉嘅大姐姐，見到小弟弟都有玩《Nintendo Switch Sports》於是加入戰局，一齊踢足球、擊劍同打排球，更玩到身水身汗非常入神。有趣嘅係，呢位小deedee無論喺日記定係打機嗰陣都稱呼結衣為姨姨（おば ちゃん），大家又覺得結衣係咪已經變成「結姨」呢？

《Nintendo Switch Sports》現已發售，玩家能夠透過Joy-Con體驗保齡球、擊劍、網球、足球、羽毛球及排球等六項運動，其中足球仲可以將Joy-Con綁喺大髀模擬踢波動作，啱晒同屋企人/朋友一齊玩一齊笑。