各位男士都應該對TENGA呢個日本品牌非常熟悉，亦都知道佢係用黎訓練…嗯…你另一個「頭」嘅，但近日TENGA就推出咗個新產品，可以訓練埋你上面個頭！佢就以下呢個西洋棋盤組合啦！

呢個西洋棋盤組合就穿了其實就係總共32個TENGA飛機杯，當中以白色嘅「AIR CUSHION CUP SOFT」系列作為白棋、黑色嘅「AIR CUSHION CUP HARD」系列作為黑棋，再以不同型號黎代表不同棋子，另外仲有個用黎決定邊個執黑棋、邊個執白棋嘅特別版DUAL DEEL CUP EXTREME，然後送多個棋盤畀你，你就可以總共33個TENGA黎玩一場西洋棋。亦即係話你買佢哋返黎，唔單止可以訓練下面個頭嘅能力，仲可以訓練埋你上面個頭嘅能力，一「舉」兩得咪就係呢啲。

TENGA西洋棋組合目前只於日本TENGA官網有售，售價係28,270Yen，即係HK$1,600左右。考慮到一個TENGA大概係800至1000Yen左右，計落應該係抵買咗？