繼《超音鼠》、《寵物小精靈》、《真人快打》等經典遊戲登上大銀幕後，如今就連《食鬼》都要開拍真人版電影！

誕生於1980年嘅街機遊戲《食鬼（PAC-MAN）》由Namco遊戲設計師岩谷徹開發，一推出便風靡全球，啟發後繼無數遊戲創作者，其主角PAC MAN嘅形象如今更成為一種大眾文化符號。為重現經典，萬代南夢宮娛樂（Bandai Namco Entertainment）宣布聯同製作公司Wayfarer Studios推出真人版電影，並由《超音鼠大電影》製片人Chuck Williams擔任監製。

雖然目前尚未確定編導班底、演員陣容，以及具體劇情，但如果以2015年電影《Pixel（屈機起格命）》嘅方式呈現，大家又有冇興趣入戲院睇呢？