由東映及荷里活片商聯手製作，製作費高達6,000萬美元嘅《聖鬥士星矢》真人版電影日前於美國正式上映，然而首周僅收50多萬票房...

早前喺日本慘遭滑鐵盧嘅《聖闘士星矢 The Beginning》近日(12/5)於美國正式上映，票房表現同樣強差人意，上映首周三日僅收53.5萬美元，位列單周票房排行榜第11位，截至目前全球票房亦只有515萬美元，距離回本仍然有好大段距離。

隨住電影上映，各大影評網站及媒體亦陸續公布電影評分，目前IMDb上評分為4.6/10，而外媒IGN則交出4/10評分，認為電影缺乏精彩嘅視覺效果，同埋故事叙述有點笨拙，未能激發觀眾嘅興奮點，將車田正美生動嘅原始素材濃縮成一件平平無奇且嘈雜嘅作品。嚟緊套戲將於歐洲各國陸續上映，唔知有冇可能回到本呢？

《聖鬥士星矢 The Beginning》改編自日本漫畫家車田正美同名作品，故事講述主角星矢（新田真劍佑 飾）係一名孤兒，尋找失散多年姐姐期間意外發現體內暗藏神秘力量，而且必須保護女神雅典娜轉生少女沙織（Madison Iseman 飾），於是穿上天馬座聖衣守護人類。