眾所週知，日本對成人內容一向比較開放，唔講咩AV、性玩具，淨係相對小眾嘅H漫 (成人漫畫)，以往都能夠輕易於ACG店內買到。不過近日有網民發現，作為業界龍頭嘅Animate秋葉原店內，竟然貼出一張「停止販售成人漫畫」嘅公告，瞬間令日本網民擔心日本H漫是否即將迎來末日。不過Animate後來就再補發公告，指係一場誤會！

ねえ、秋葉原のアニメイトで成年コミックスが売られないって、この国もうどうなっちゃうのよ！？ pic.twitter.com/L4kMb9H3qU

— 炬燵どらごん (@okotatsudoragon) June 5, 2023

卻說Twitter用戶「炬燵どらごん (okotatsudoragon)」日前發佈咗一張於秋葉原Animate店內拍攝嘅照片，從中可見店方將通往平時販售H漫嘅B1層嘅樓梯封起，並貼出公告指「成人漫暫停發售，不便之處敬請原諒」。由於Animate乃係日本ACG迷嘅必去之店，當中位處「宅宅聖地」嘅秋葉原更有特別象徵意義，所以呢張「停售H漫」嘅告示瞬間引起網民熱議。

對此，「炬燵どらごん」除啦咗留言表示「Animate唔賣H漫，呢個係咩國家黎？」之外，亦同其他網民一齊揣測Animate此舉背後嘅含義。佢亦向某位希望報導此事嘅媒體編輯表示，近年不論日本警方定係信用卡公司都開始收緊對成人內容嘅管制，佢就曾經聽聞有公司被要求「不能於販售H漫嘅樓層放置『可以用信用卡結帳』嘅標誌。所以雖然Animate並唔靠賣H漫搵食，但佢擔心業界龍頭有所動作後，其他店舖亦會跟隨，H漫市場就會更加萎縮。

圖片：J-Cast

後來日本媒體《J-Cast》就嘗試直接聯絡Animate尋求答案，而Animate嘅答覆就令人放心，同時又好無奈，因為據佢哋講，自從今年4月秋葉原店1號店完成搬遷裝修，目前都仲喺不停調整商品位置嘅階段，之所以會封鎖販售H漫嘅B1層，係因為「準備會有其他用途，並唔代表我們唔會再賣H漫」，Animate嘅宣傳部亦對之前嘅公告造成大眾誤會而道歉。而據報，目前秋葉原店內嘅B1樓層依然封閉，但公告就換成「員工以外不得進入」。

資料來源：J-Cast