去年年尾Chris Hemsworth突然宣佈，因為於基因測試中發現自己比平常人更容易患上「阿茲海默症」而決定暫時息影。但外界似乎就將呢個消息理解成「Chris Hemsworth身體出現問題」，所以最近佢為咗宣傳Netflix新戲《Extraction 2》時就澄清，佢唔係以後都唔拍戲，只係想有多啲時間陪三個小朋友成展。

Chris Hemsworth於訪問中表示，雖然首次知道自己嘅基因情況時，「我最驚嘅就係會唔記得生命中發生過嘅事，我太太、我啲小朋友」，而「息影」嘅決定亦同呢個消息有關，但就唔係因為佢嘅身體出現甚何情況。「大家似乎都啲過度解讀，我想抖下係因為我已經忙咗十年，而我想花多啲時間去陪我三個小朋友。」Chris Hemsworth與太太Elsa Pataky目前育有三名子女，分別為11歲嘅長女India，以及一對九歲嘅雙胞胎兒子。

Chris Hemsworth係於《National Geographic》嘅節目《Limitless》中發現自己嘅基因情況，而佢表示，拍攝該節目嘅每一集都提醒佢人生過得有幾快，亦令佢想更長時間、更頻密地「靜落黎」，而發現基因狀況後就令佢更有理由去作出飲食、訓練、心理健康上嘅改變。

《Limitless》海報

Chris Hemsworth指出，過去十年佢不停工作接工作四處奔波，因為佢好驚拍完手頭上嘅作品就會「失業」。但未來佢接工作時就會更加謹慎，「我想更有計劃地做決定，做啲我可以投入、參與嘅事。我想創造更大嘅價值，同啲勁人一齊合作。」佢亦透露目前佢搵到個相當舒服嘅平衡，「係我感覺最健康嘅時候。」

換言之，就係佢並唔係因為健康問題而「息影」，而只係想花更多時間陪伴家人而「減產」，所以大家未來應該都仲會見到佢嘅新作品。

資料來源：Entertainment Weekly