據外媒《Entertainment Weekly》報導，近日《沙贊！》男星Zachary Levi於FAN EXPO Chicago會上表示支持美國編劇工會（WGA）及美國演員工會（SAG-AFTRA）罷工行動，同時批評荷里活產業現況，認為現今太多電影只靠精彩預告吸引觀眾入場，內容卻乏善可陳。

Zachary Levi表示：「我個人認為荷里活出品嘅作品好多都係垃圾，佢哋根本唔在乎為觀眾拍出優秀嘅作品。你試過幾多次睇預告個陣覺得『Oh my God，呢套戲睇落好正！』但當你直正入場後卻發現『我究竟睇緊乜嘢？』因為片商知道，一旦你買咗戲飛、埋位坐低，佢哋就錢已袋。而改善呢個情況嘅唯一方法，就係我哋主動唔睇呢啲垃圾，咁樣做絕對有幫助！」

Zachary Levi嘅言論引申出一個問題—「何謂垃圾電影」，若然以票房及口碑論英雄嘅話，咁只有1.33億美元票房，以及爛番茄新鮮度49%嘅《沙贊！眾神之怒》又算唔算垃圾？Zachary Levi嘅說法唔通係諷刺緊自己嘅作品？