雖然MCU電影曾經係一眾影迷每年必定入場睇嘅盛事，但經過15年發展後，近年就因為「粗製濫造」，以及大家熟悉嘅元老級英雄退役、電影宇宙發展大到新觀眾難以跟上，所以人氣比起全盛時期已有所消退。而睇黎Marvel內部似乎都明白問題所在，所以近日就有傳聞指，Kevin Feige決定於預計於2027年上映嘅《Avengers: Secret War》之後，「軟重啟」所有Marvel電影，亦即係所有MCU電影、以及更早期嘅《X-Men》及《Spider-Man》等系列都會當粉筆字咁抹咗佢！

Yes, Hugh Jackman won’t be recast until AFTER #AvengersSecretWars. Feige is making Secret Wars the send off to not only the current MCU, but all the Marvel movies that came before Iron Man.

It’s the Ultimate (soft) reboot. To make way for something All New, and All Different. https://t.co/0pzXGgbpmL pic.twitter.com/2IqKSDtzyt

— CanWeGetSomeToast (@CanWeGetToast) September 21, 2023

話說早前X (Twitter) 用戶「MyTimeToShineHello (@MyTimeToShineH)」爆料，指《Deadpool 3》嘅劇情就係Deadpool穿梭於各個平行宇宙，試圖搵到「Wolverine」嘅接班人，而Hugh Jackman就只係人選之一，故事最後Deadpool仲認為Hugh Jackman唔適合返黎做Wolverine。

呢個傳聞係真係假就另待判斷，但就吸引到過往曾透露唔少Marvel情報嘅X (Twitter) 用家「CanWeGetSomeToast (@CanWeGetToast)」回應並認同，仲補充指「Hugh Jackman起碼要等到《Secret War》之前先會回歸。(Kevin) Feige會將《Secret War》當成不止係MCU，而係《Iron Man》之前所有Marvel電影嘅終結。」

「CanWeGetSomeToast (@CanWeGetToast)」型容此舉為「終極嘅 (軟) 重啟，為某啲All New及All Different嘅事鋪路。」而「All New All Different」就正正係Marvel漫畫於2016年完成《Secret War》連載後，重啟整個漫畫宇宙嘅標語。

2022年上映嘅《Doctor Strange In The Multiverse of Madness》中，曾提出「宇宙對撞 (incursion)」嘅概念，而呢個概念正正就係黎自《Secret War》漫畫，所以目前估計Marvel可能會用「對撞」黎解釋「重啟」。但值得留意嘅係，Marvel及Disney目前都冇公佈過任何《Secret War》嘅情報，所以一切都只係傳聞，不能盡信。

資料來源：cbr.com