《名偵探柯南》連載近30年，用嚟表示嫌犯或犯人嘅神祕黑影人一直都係出場率極出嘅配角，官方更喺2017年推出以黑影人為主角嘅搞笑漫畫《名偵探柯南 犯人·犯澤先生》，深受Fans喜愛。最近日本創意品牌COSPA（コスパ）就以黑影人為主題，推出「犯人變身T-Shirt」，令大家能夠變身成經典黑影人。

如圖所示，呢件黑色T-Shirt正面印有「WANTED」（被通緝）字樣，睇落好似平平無奇，但只要揭起件衫笠住個頭，就可以瞬間化身為「奸笑臉」黑影人。當然啦，最好就入面著多件衫打底，否則真係有機會被當成犯人。

《名偵探柯南》犯人變身T-Shirt售價為3,300日元（折約$170港幣），12月17日起於COSPA官網開放訂購，預計明年2月中正式發售。