2024年「法國小姐」選美比賽日前圓滿結束，最終由20歲短髮佳麗Eve Gilles贏得后冠，成為103年嚟首位非長髮造型法國小姐。不過有網民就對此感到不滿，狠批評審係選「覺醒 woke」而非選美，引起熱烈討論。

綜合外媒報導，Eve Gilles目前於里爾大學修讀數學及電腦專業，夢想成為一名統計學家，因堅持以短髮造型參選而備受關注。賽後發表得獎感受時，佢亦形容自己嘅勝利同時係「多元化」嘅勝利：「我哋習慣見到擁有一把長髮嘅美麗佳麗，但我選擇咗中性短髮造型，冇人可以決定你是誰，每位女性都係與別不同，我哋都係獨一無二。」

對此，有網民就批評「法國小姐已經唔再係選美比賽，而係一場基於包容性嘅選woke比賽。」、「我哋評審嘅唔再係美貌，而係呢位極端女權主義者嘅覺醒意義形能。」不過，亦有唔少政客及民眾支持Eve Gilles，其中同樣係短頭髮嘅綠黨議員Sandrine Rousseau就喺X上表示：「我對法國小姐2024嘅評論感到震驚，我哋嘅髮型，以及我哋點樣打理、設計，同男人完全無關。」

View this post on Instagram

A post shared by Miss France Officiel (@missfranceoff)

據了解，比賽結果係由5,000名現場觀眾，及7名女性組成嘅評審團共同選出，兩者評分比重各佔一半。Eve Gilles於觀眾評分方面只排名第3，但計埋評審團分數後逆轉成為冠軍。