近日Henry Cavill與導演Matthew Vaughn為宣傳新作《Argylle（特工亞皆老）》接受Podcast節目《Happy Sad Confused》訪問，提到電影或電視劇當中嘅性愛場景時，Henry Cavill坦言自己並唔係床戲嘅Fans，唔鍾意演亦都唔鍾意睇。

《The Witcher》劇照

Henry Cavill表示：「喺某啲情況下，床戲確實有助推進劇情，而非單單滿足觀眾，但我認為現今嘅床戲已被過度使用。當你質疑『呢場戲係咪真係有必要？定單純係想演員著少幾件衫？』你就會感到愈來愈唔自在，並心諗『呢場戲根本唔算表演，而且冇一個片段能夠銜後續戲碼。』」Henry Cavill繼續解釋：「雖然電影入面嘅床戲有時候能夠幫助敘述故事，但大多數情況下，留畀觀眾自行想像，效果會比直接拍出嚟更好。因此，如果電影或電視劇只充斥住纏綿嘅肉體，你會覺得『除咗係拍畀想睇裸體嘅人觀賞之外，仲有乜嘢意義呢？』，總之我唔鍾意拍床戲。」

好彩嘅係，Henry Cavill新作《Argylle》並冇任何床戲，故事講述性格孤僻嘅小說家Elly Conway（Bryce Howard 飾），平時最鍾意宅喺屋企寫小說以及同愛貓玩耍。但某日發現自己所寫嘅諜報小說《Argylle》，故事情節竟然同現實一個神秘組織不某而合，因此被多方人馬追殺，企圖令佢寫下組織想要嘅結局。目前現正上映中。