任天堂在上月公開嘅Nintendo Switch 2預告片中，除咗提到4月2日會新機更多細節，仲預告會喺全球各地舉行「Nintendo Switch 2 體驗會」。如今任天堂終於宣布香港區體驗會詳情，預定5月17日（六）及18日（日）在灣仔會展舉行兩日體驗活動，讓機迷率先試玩。

任天堂香港今日透過Facebook宣布，可以實際試玩嘅Nintendo Switch 2體驗會，預定於2025年5月17日及18日，在香港會議展覽中心舉行。不過就尚未公布如何報名參加，只係呼籲各位機迷密切留意。

參考任天堂日本體驗會報名方法，玩家必須持有Nintendo Account進行抽籤，中籤者可以帶多一個人入場。或者香港體驗會都會仿效上述做法，但詳情仍有待官方確實。