Netflix劇集《The Witcher（獵魔士）》闊別兩年後終於回歸，第四季確定下月底正式播出！「雷神」Chris Hemsworth細佬Liam Hemsworth將於今季起接替Henry Cavill，飾演男主角Geralt。

從預告可見，由Liam Hemsworth飾演嘅Geralt在路上遭到幽靈，但發現手中嘅劍似乎唔啱使，於是施展法印，將幽靈困在魔法牢籠之中，然後伸手插入對方胸膛，抽出散發住黑暗光芒嘅心臟，一手捏碎後幽靈亦隨即化為塵埃。據官方劇情簡介，今季將講述Geralt、Yennefer同Ciri因戰爭而被迫分開後，三人將各自走上自己嘅道路，並在途中遇到意想不到嘅盟友，加入佢哋嘅滅魔之旅。

《The Witcher》第四季將於10月30日正式播出，總共有8集。由於第四季及第五季（兼最終季）係一齊拍攝，所以估計第四季播完後，第五季亦會好快會同觀眾見面。