現年63歲嘅Tom Cruise同37歲嘅Ana de Armas，自今年2月起傳出拍拖緋聞後，就成為娛樂圈嘅熱門話題。近日甚至有報導指兩人即將拉埋天窗，計劃喺太空或深海舉行一場特別婚禮，引起不少討論。不過，根據英國傳播《The Sun》最新消息，兩人已經和平分手，雖然愛情無疾而終，但仍然保持好朋友關係。

Ana de Armas and Tom Cruise in a newly shared photo.  pic.twitter.com/EJhgU9zzbd

— cinesthetic. (@TheCinesthetic) July 5, 2025

兩人嘅緋聞可以追溯到今年2月，當時Tom Cruise同Ana在情人節當晚被影到喺倫敦蘇豪區一間餐廳撐枱腳，瞬間點燃戀情傳聞。其後佢哋多次被拍到一齊出遊，包括5月出席碧咸生日派對，7月喺西班牙坐遊艇度假同睇Oasis演唱會，期間仲拖住手喺街頭散步，親密舉動令外界都以為佢哋正愛得火熱。最誇張嘅係，早兩日仲有報導指兩人即將拉埋天窗，而且因為佢哋都熱愛極限活動，所以計劃喺太空或深海搞一場難忘嘅特別婚禮。然而，據《The Sun》引述知情人士爆料，兩人最近已和平分手，原因係發現彼此間已經冇晒火花，並意識到做返朋友會更加適合。

值得一提嘅係，Tom Cruise同Ana de Armas從來冇公開承認過拍拖，全部都係傳媒同狗仔隊嘅推測同偷拍，唯一比較確鑿嘅證據就係被影到拖住手出街。或者正因為佢哋咁神秘，外界先對呢段緋聞咁有興趣。