日本生活品牌GARRACK繼早前推出《進擊的巨人》「超硬質刃」三德刀後，今次攜手經典動漫《浪客劍心》，推出主角緋村劍心嘅「逆刃刀」造型廚師刀！既實用又夠晒型仔，動漫迷同廚具迷心動未？

據官方介紹，呢款聯名廚師刀由刀具品牌「NiNJA」精心製作，刀身來自日本著名刀具產地關市，選用防銹且持久鋒利嘅釩鋼打造而成，並由熟練工匠逐把親手打磨。無論係切肉、處理魚類，定係切蔬菜，呢把「逆刃刀」都能輕鬆應付，幫你喺廚房大顯身手。

設計方面，「NiNJA」團隊忠實還原出「逆刃刀」嘅經典外觀，刀身上刻標誌性嘅波浪紋理，而刀柄亦參考緋村劍心嘅佩刀設計，復古味十足。不過為咗兼顧實際使用，刀刃位置其實係向下。

呢款「逆刃刀」造型廚師刀建議零售價為19,800日元（約HK$1,020），目前已於GARRACK官網開放訂購，預計10月底開始出貨。想喺廚房化身成「緋村劍心」就朋友請勿錯過。