男人由細到大都對啲刀刀劍劍有興趣，尤其啲係日本武士刀真係靚到癲！但今時今日冇理由收埋埋刀劍喺屋企架？咁可以點做？不如就買由日本Nikken出嘅武士刀較剪呢？

作為日本有名嘅刀具製作商，Nikken曾經出過兩款武士刀較剪，包括最普通嘅「日本刀はさみ」同金色嘅「金龍」。兩把全長都係18cm，不鏽鋼製作嘅雙刃仿照武士刀一樣微微向上彎曲，所以上刃(8.7cm)比下刃(8.2cm)長。普通版有紫黑紅柄、金龍就係金柄，而且仲有台座同「劍鞘」，而且刃口仲有刃紋。

佢哋近期仲發佈咗呢把織田信長版，除咗不鏽鋼雙刃鍍咗鉻之外，個較位仲鑲咗個織田信長家紋落去再加個木盒同12000Yen(約775港元)嘅價錢，用黎送禮就應該唔錯啦！