{ SKIP }

POSTED ON 06 Apr 2016
無論係繁忙嘅返工日子、定係休閒嘅假期下午,一杯好嘅咖啡的確有令人心曠神怡嘅功效。但問題係成日飲咖啡嘅你,又係咪真係識得品嚐、甚至親手沖一杯咖啡畀自己或者另一半?MenClub於上個星期六就聯同The Coffee Academics舉行「Latte Art and Coffee Cupping」活動,由咖啡師Herman同Happy教我哋點樣品嚐咖啡。

咖啡除咗苦、甘、香之外,因應產地的不同,亦會有不同的花香、果香味道。所以要學識品嚐咖啡,第一步就係要學識分辨不同嘅氣味。所以一開始嘅時候,Herman同Happy就將平時訓練用的「Aroma Kit」拎出黎同大家玩咗個小遊戲,等大家試聞不同味道。有趣嘅係雖然整個Aroma Kit都係自然味道,而且係外國貨黎,不過有參加者就估出「咳藥水」同「保濟丸」…


之後就由Herman為大家準備咖啡。當日我哋分別試咗來自巴拿馬及肯亞的咖啡豆,並且即場磨製以保持最新鮮嘅味道。Herman亦都示範手沖及浸泡兩種沖泡方式,並且介紹兩種方法所帶出嘅不同味道。


之後就黎到學習拉花嘅環節,Herman同Happy首先示範如何使用專業Espresso機,包括先從磨豆機提取即磨的咖啡粉,再以填壓器將粉壓實,之後就可以裝上機器沖泡,同時亦可以準備奶泡。到咖啡沖泡完成之後,就可以將奶泡倒入咖啡之中,先將兩者混和,最後以奶泡拉出不同花樣,整個過程三分鐘都唔使架(當然人家就久經訓練啦)!

兩位咖啡師話其實好多咖啡拉花都係基於心形,例如多個心形堆疊後就會成為鬱金香,又或者先拉出心型,再以溫度計挑起咖啡作顏色筆,就可以將心型畫成熊、貓等圖案。

連人樣都得架!呢杯就係出自Mean娜手中嘅自畫像Macchiato。除咗唔似佢本人之外都真係完美架!


最後每位參加者仲可以得到由The Coffee Academics送出嘅咖啡豆一包,其中兩位參加者更加因為將活動期間影嘅靚相放上Instagram而被選中,可以得到咖啡杯套裝添!



最後就係大合照時間,希望下次活動都可以見到大家啦!


想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025
由Ben Stiller主演嘅冒險喜劇《翻生侏羅館(Night at the Museum)》系列,距離第三集、亦即係最後一集已經有11年歷史。最近有消息指,呢個人氣系列正在籌備重啟,同樣以博物館為背景,但會講述一個全新故事。 ...
hobby
【影視】消息指《翻生侏羅館》正在籌備重啟 但Ben Stiller或不會回歸
10 Jul 2025