圖片：UEFA.com

西甲同英超都收左咧，不過身為球迷今年夏天又唔愁餓波，起碼有歐洲國家盃同美洲國家盃，仲可以睇埋奧運足球添。上星期法國同比利時都出咗歐國盃決賽周同賽前熱身賽嘅名單。當中有啲入選同落選球員都令人有啲surprise。

圖片：fr.uefa

首先講法國，皇馬前鋒賓施馬因為性醜聞落選呢個就一早知，不過就無減法國進攻火力。馬體會神鋒基沙文係必然入選，而曼聯神童馬迪爾都一樣有份；至於今季喺尼斯重生嘅賓艾化就只能入選替補名單。中場方面唔係打開傳統強隊嘅簡迪同柏耶都喺大軍名單，而舒拉達連落選就有些少意外，可能因為喺曼聯上陣機會都唔多

法國大軍名軍

門將︰洛里斯（熱刺）、文丹達（馬賽）、哥斯迪（雷恩）

後衛︰華拉尼（皇家馬德里）、哥斯尼（阿仙奴）、艾拉（祖雲達斯）、文加拉、沙格拿（曼城）、馬菲奧（巴塞隆拿）、查列（里昂）、盧卡斯迪治尼（羅馬）

中場︰保羅普巴（祖雲達斯）、馬度迪（巴黎聖日耳門）、狄亞拉（馬賽）、穆沙施素高（紐卡素）、簡迪（李斯特城）、卡比耶（水晶宮）

前鋒︰基奧特（阿仙奴）、基沙文（馬德里體育會）、馬迪爾（曼聯）、皮耶（韋斯咸）、京士利高文（拜仁慕尼黑）、基格納（堤格雷斯）

圖片：Mirror.co.uk

至於比利時，陣容同上屆世界盃嘅人腳大致相同，有啲今季表現麻麻嘅球員都仍然入選，例如只係加盟利物浦一季就要面臨離隊危機嘅賓迪基、喺巴塞傷多過踢嘅華美倫都有入選，不過應該就唔會係必然正選，雖然隊長甘賓尼再度受傷唔能夠入選，好彩呢隊唔係曼城，仲有今季喺熱刺表現出色嘅艾達韋列特協助防務，而門將位置反而應該擔心下，高圖爾斯今季表現跌watt，另外米奴列就唔使多講咩事啦。

比利時大軍名單

門將：泰拔高圖爾斯（車路士）、桑基列特（梅赫倫）、米洛列特（利物浦）

後衛：艾達韋列特（熱刺）、保耶達（些路迪）、丹那耶（曼城）、比莊安祖斯（布魯日）、林拔斯（辛尼特）、佐敦盧卡古（奧斯坦德）、蒙尼亞（布魯日）、華美倫（巴塞隆拿）、維頓漢（熱刺）

中場：迪比利（熱刺）、費蘭尼（曼聯）、尼恩高蘭（羅馬）、韋素（辛尼特）、夏薩特（車路士）、奇雲迪布尼（曼城）、梅頓斯（拿玻里）

前鋒：恩歷克卡拉斯高（馬德里體育會）、奧歷治（利物浦）、巴舒亞伊（馬賽）、盧卡古（愛華頓）、賓迪基（利物浦）

李羅渣 (facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、網台節目主持、Menclub足球文章作家、演

員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達，最想成為有些少生活品味嘅偽文青。