「魂」專為呢隻哥斯拉整咗個「輝響曲」嘅新系列名，而所謂「輝響曲」就係指呢隻哥斯拉嘅三個特點－－「輝」者，著燈也。哥斯拉嘅背鰭同口部都有LED燈，可以重現準備發射放射熱線嘅情景。「響」者，音響也。只要一按哥斯拉個後頸粒掣，佢就可以發出三種咆哮音、兩種放射熱線同哥斯拉腳步聲總共六種音效。「曲」者就係主題曲也，分別係哥斯拉本身嘅主題音樂同「哥斯拉對特車隊」嘅BGM。

至於隻模型本身亦有多個可動關節，高20cm，再加上原形師「酒井ゆうじ」嘅功夫。本身都係一件水準之作架啦！